1. Ana Sayfa
  2. Azərbaycan
  3. Tənhalıq nədir

Tənhalıq nədir

Son güncelleme: 08.12.2009 10:20
Leyl-i Lal Leyl-i Lal foto


  • Bütün həyatı boyu insan tənhalıqdan qaçmağa çalışır.Bəzən isə buna adət edir.
    Razı olmayanlar pisləyirlər...
    Bu hal ilə barışanlar fikir vermirlər...
    Mənəvi cəhətdən yanaşanlar zövq alırlar.
    Amma bu vacib deyil,vacib olan başqa şeydir.Vacib olan odur ki,o həmişə var.Olub və olacaq.Deməli onsuz mümkün deyil.Nəyə görə?
    Sən fikirləşirsən ki tənhalıq-ətrafdakıların səni başa düşməməyidir?
    Yox əsla.
    Tənhalıq nədir?
    Tənhalıq-o zaman ki,sən artıq əmin olursan ki ətrafındakılara sən yox, səndən nəsə lazımdır.
    Tənhalıq-o zaman ki sən öz həyatını doldurmaq üçün özgəsinin həyatından bir parça oğurlayırsan.
    Tənhalıq-o zaman ki,səninçün əhəmiyyəti olmayan arzuların arxasınca gedirsən.
    Tənhalıq-o zaman ki,sən başqası ilə danışanda da özün özünlə danışırsan.
    Tənhalıq- o zaman ki,yanında olan birinə pis olduğu halda bu sənə heç bir təsir göstərmir,bu səni narahat etmir.
    Tənhalıq- bu səni sevməyənlər deyil.Bu sənin artıq heç kimi sevməməyindir.Və ya sevə bilməməyin.


    Tenhaliq.


    Tənhalıq sakit gəlir,xəbər vermədən.Səni sakit bir guşədə də yaxalaya bilər,səsli küylü kütlə içərisində də.Ondan qorxmaq lazım deyil.O təbiidir.Bir də ki o gəlibsə artıq geri çəkilməyəcək.O zaman qədər ki sənə lazımdır.Vacibdir.
    Vacibdir?Niyə görə?
    Heç olmasa ona görə ki,düşünə biləsən.
    Heç olmasa ona görə ki,fikirləşə biləsən.Gündəlik vurnuxmalardan,çabalamalardan özünü kənar edə biləsən.Əvvəlki ritmə qayıtmaq üçün.Bu siqnaldır.Bu dərsdir.
    Uzanan,bitmək bilməyən tənhalıq sənin hazırlaşmadığın,yerinə yetirə bilmədiyin tapşırıqdır.
    Çox vaxt biz həyatda bizə yaşamağa kömək edən həqiqətlərdən qaçırıq.
    Tənhalıqdan qaçdığımız kimi...


    Tenhaliq.


    İnsan tənha qalmağı ancaq o halda sevir ki,bilir ki doğmaları yaxındadır,onu hər zaman bu tənhalıqdan xilas edən biri,onu bu sakitlikdən çıxaran biri olacaq.Əslində isə belə geniş dünyada tək tənha qalmağı heç kim arzulamaz.Bu hamı üçün qorxulu gəlir.Elə anlar olur ki,hər şeyi unutmaq,silmək istəyirsən həyatından.Elə bil heç olmayıbmış kimi-xoşagəlməz hadisələri,ağrıları,bəzi insanları silmək istəyirsən.Amma bu zaman yaxşılar da silinəcək,ən gözəl xatirələrin.Qəlbinin dərinliyində gizlətdiyin yaxşı anlar.Tənha olduqda onları xatırlamaq,o anları bir daha yaşamaq bizə bəzən kömək edir.Çətin anlarda həyatının bu işıqlı xatirələri sənə yenidən inanmağa,yenidən ayağa qalxmağa stimul verir.

#08.12.2009 10:20 0 0 0