1. Ana Sayfa
  2. Azərbaycan
  3. Sənsizliyə Son Musiqi

Sənsizliyə Son Musiqi

Son güncelleme: 31.01.2010 11:20
Leyl-i Lal Leyl-i Lal foto
  • Məni özümə düşmən edib qəlbimin bir yarısını söküb alıb gedəcəyinə, heç inanmamışdım sevgilim, həm də heç bir zaman inanmamışdım. Günlərin birində məni yarı yolda buraxıb gedəcəyini məndən başqa hər kəs bilirdi. Bu dünyada bir mən idim sənə inanan, güvənən, sevən və hər zaman hər bir şeydə dəstək olan. Sən isə sənə inanmayanları haqlı çıxartdın və məni tərk etdin.
    Səninlə birlikdə qurduğum dünyanı yerlə bir edib getmənə nə səbəb oldu bilmirəm. Mən yalnızca sənə aşiq deyildim eyni zamanda da, sən mənim ən gözəl dostum idin. Nələr edəcəyimizi danışardıq biri birimizə, həyatımızı paylaşardıq. Ağlamaqdan qorxmazdım. Bilirdim ki, ağladığımda sən yanımda olub göz yaşlarımı siləcəkdin. Artıq ağlaya belə bilmirəm. Səninlə bağlı hər xatirə acılayır ürəyimi. Bütün rəsmlərimizə bir-bir baxıram. Heç bir kəsə sənin haqqında danışmasına izin vermirəm və gündə bir paket siqaret çəkirəm. Yəni həyatda ən nifrət etdiyin şeyləri edirəm. Artıq uzun illər yaşamanın belə anlamı yoxdur məgər belə deyilmi? Nə üçün yaşayacağam ki!
    Səninlə birlikdə xəyallarımı da itirdim. Artıq səninlə birgə yaşadığım güllü çiçəkli evim olmayacaq. Sənə sürpriz edəcəkdim, yataq otağımızın divarlarını, sənə yazdığım eşq məktublarıyla və ən gözəl şəkillərimizlə bəzəyəcəkdim. Bütün xəyallarıma, evimizə, uşaqlarımıza, xoşbəxt gələcəyimizə əmin olduğum gələcəyimizə əlvida deməyin gözəl olduğunumu sanırsan. Səni axtarmayıb, bir dəfə olsun belə arxanca gəlmədiyimi düşünüb, səni unutduğumu zənn etmə. Hər zamankından daha çox sevirəm səni. Səni bu an, bu saniyə uğrunda ölə biləcək qədər çox sevirəm. Birlikdə keçirdiyimiz illər içində səninlə yaşadığım hər anın ayrıca gözəlliyi, ayrıca anlamı var. Məni çox xoşbəxt etdin.

    Qədrini bilmədim mən o günlərin
    İndi o günlərin həsrətindəyəm
    Səninlə keçirdim ən xoş illəri
    Mən həmin illərin həsrətindəyəm

    İndi sənsiz mənim yox rahatlığım
    Sanki qəfəsdəyəm yox azadlığım
    Səni unutmaq üçün cırıb atdığım
    Mən o şəkillərin həsrətindəyəm

    Ürəyim od tutub yoxdur söndürən
    Ağlayan gözümü yoxdur güldürən
    Bircə baxışınla məni öldürən
    O qara gözlərin həsrətindəyəm

    Sən yoxsan gözlərim yenə dolubdur
    Sənsiz həyat məni yaman yorubdur
    Məhəbbət bağımda güllər solubdur
    O solan güllərin həsrətindəyəm

    Səndən sonra mən necə yaşayacağımı bilmirəm, amma sənin daima xoşbəxt olmağını istəyirəm. Zaman keçdikcə səni mən o gözəl günlərimizdəki xatirələrlə anacam. İllər sonra mən ağlına gələrəmsə bil ki, soyuq pəncərənin önündə ən sevdiyin musiqini ifa edirəm ulduzlara...
#31.01.2010 11:20 0 0 0