Xəzər dənizində zəlzələ təhlükəsi artıb
Son güncelleme: 05.02.2010 12:55
-
Ən yüksək gərginlik-deformasiya vəziyyətinə Şamaxı, Şəki, İsmayıllı seysmogen zonalarında və Aydınbulaq-Ağdaş ərazilərində rast gəlinib
21 rəqəmsal və 14 analoq seysmik stansiya şəbəkəsi ilə aparılan müşahidələr nəticəsində ötən il Azərbaycan ərazisində 3680 yeraltı təkan qeydə alınıb.
APA-nın məlumatına görə, bu barədə Respublika Seysmoloji Xidmət Mərkəzinin direktoru Qurban Yetirmişli AMEA Rəyasət Heyətinin 2009-cu ilin nəticələrinə həsr olunmuş hesabat iclasında məlumat verib. O deyib ki, bu təkanlardan 1744-ü yerli, 1936-sı yaxın-uzaq zəlzələlər olub ki, bunlardan da 20-si hiss edilib.
Aparılan müşahidələr nəticəsində məlum olub ki, 2008-ci illə müqayisədə ötən ildə baş verən zəlzələlərin sayı artsa da, ayrılmış seysmik enerjinin miqdarı düşüb. 2009-cu ildə Azərbaycan ərazisində dərinliyi 10 km olan 130, 10-20 km olan 262, 20-30 km olan 130, 30-40 km olan 82, 40-51 və 46-50 km olan 44 zəlzələ qeydə alınıb.
Ölkə ərazisində yüksək seysmik zona kimi Böyük Qafqazın cənub-şərq yamacı, xüsusilə, Şamaxı-İsmayıllı rayonları seysmoaktiv ərazilər kimi qeydə alınıb. Ötən il Kür çökəkliyinin Mingəçevir su anbarını əhatə edən hissəsində də 2008-ci illə müqayisədə seysmik aktivliyin artması, Şamaxıdan cənuba doğru, Cəlilabad və Hacıqabul rayonlarında isə zəlzələlərin episentrlərinin sıxılması müşahidə olunub.
Q. Yetirmişli deyib ki, Xəzər dənizi akvatoriyasının seysmik aktivliyinin 2008-ci ilə nisbətən yüksəlməsi nəticəsində şimali Xəzərdə seysmikliyin əhəmiyyətli dərəcədə aktivləşməsi müşahidə olunub.
2009-cu ildə ən yüksək gərginlik-deformasiya vəziyyətinə Şamaxı, Şəki, İsmayıllı seysmogen zonalarında və Aydınbulaq-Ağdaş ərazilərində rast gəlinib. Dağ süxurları kütlələrinin paylanması prosesinin kifayət qədər yavaş gedir, buna görə də bu ərazilər 2010-cu ildə seysmik cəhətdən yüksək təhlükəli ərazilər olacaq.
Qaynaq:LENT.AZ
- Xəzər dənizində zəlzələ təhlükəsi artıb Konusuna Benzer Konular
- Xəzər Lənkəran – Neftçi matçının vaxtı dəyişdi 01.09.2011
- Azərbaycan təbiəti-Xəzər dənizi 20.05.2009
- Atatürk xəritədə ikinci Xəzər adı yaratdı 16.12.2009
- Elshən Xəzər & Aqshın Fateh & Aynur Dadashova - Ayrı Yollar 02.01.2010
- Gürcüstanda zəlzələ olub 21.01.2010
- Plastik Gıda Ambalajı 05.02.2010 12:55