1. Ana Sayfa
  2. Azərbaycan
  3. Azəriqaz BDU-nu və dövlət idarəsini məhkəməyə verdi

Azəriqaz BDU-nu və dövlət idarəsini məhkəməyə verdi

Son güncelleme: 21.02.2010 00:14
Leyl-i Lal Leyl-i Lal foto
  • noimage

    Təkcə universitetdən 314 min manat tələb olunur



    "Azəriqaz" İsehsalat Birliyi (İB) universitet və bir idarəni külli məbləğdə qazpulu borcu ilə əlaqədar olaraq məhkəməyə verib. Bu barədə Lent.az-a 1 saylı Bakı Yerli İqtisad Məhkəməsindən bildirilib.

    1 saylı Bakı Yerli İqtisad Məhkəməsinə müraciət edən "Azəriqaz" İB müxtəlif illərdə yaranmış qazpulu borclarını tələb edir. Məhkəməyə verilən qurumlar Bakı Dövlət Universiteti (BDU) və Mədəniyyət və Turizm Nazirliyinin Bakı şəhər Mədəniyyət və Turizm İdarəsidir.

    İddia ərizəsində BDU-nun üç ildə 314 min manat ödənilməmiş borcunun yarandığı bildirilib.

    Bakı şəhər Mədəniyyət və Turizm İdarəsinin borcunun məbləğini dəqiqləşdirmək mümkün olmayıb.

    İş üzrə məhkəmə prosesləri gələn həftə keçiriləcək.

    Qeyd edək ki, "Azəriqaz" İstehsalat Birliyi Azərbaycan Dövlət Neft Şirkətinin (ARDNŞ) nəzdində fəaliyyət göstərir.

    Pərvin ABBASOV

    Qaynaq:LENT.AZ
#21.02.2010 00:14 0 0 0