1. Ana Sayfa
  2. Azərbaycan
  3. Qonaqlıq günü

Qonaqlıq günü

Son güncelleme: 19.02.2011 17:13
byHaktan byHaktan foto
  • noimage

    Futbol üzrə Unibank Premyer Liqasında XI tura fevralın 19-da keçirilmiş 3 oyunla start verilib.

    Lent.az-ın məlumatına görə, lider "Neftçi" Zaqatalada "Simurq"u darmadağın edib. Bununla da flaqman ən yaxın izləyicisi "Xəzər Lənkəran"la xal fərqini 4-ə çatdırıb. Lənkəran komandası fevralın 20-də öz meydançasında AZAL-ı yenəcəyi halda, xal fərqini minimuma endirə bilər. Digər qarşılaşmalarda da qonaqlar qalib gəlib. "İnter" öz meydançası "Şəfa"da səfər komandası kimi çıxış edib və MOİK-i böyük hesabla yenib. "Bakı" isə Tovuzda "Turan"a qalib gələrək, ilk "6-lığ"a daxil olub. Lakin "Qəbələ" sabah "Şəfa"da "Muğan"ı yenəcəyi təqdirdə, yenidən paytaxt klubunu 7-ci pilləyə göndərəcək.


    Qeyd edək ki, "Bakı" yeni baş məşqçi Aleksandr Starkovun rəhbərliyi altında ilk qələbəsini qazanıb. "Turan" isə əksinə, Naci Şensoyun başçılığı ilə ilk məğlubiyyətə düçar olub.


    19 fevral (şənbə)

    "Turan" (Tovuz) - "Bakı" - 0:1
    Jaba, 8

    "Simurq" (Zaqatala) - "Neftçi" (Bakı) - 0:3
    Rəşad Abdullayev, 11. Ruslan Abışov, 22. Flavinyo, 53

    MOİK (Bakı) - "İnter" (Bakı) - 0:4
    Dmitri Kruqlov, 37. David Odikadze, 45. İlia Kandelaki, 76. Volodimir Levin, 79


    20 fevral (bazar)

    13:00. "Gəncə" - "Qarabağ" (Ağdam)
    Hakimlər: Anar Salmanov, Mübariz Haşımov, Vaqif Musayev, Hacıəli Ağayev
    Gəncə şəhər stadionu.

    15:00. "Muğan" (Salyan) - "Qəbələ"
    Hakimlər: Əfqan Həmzəyev, Yaşar Abbasov, Aleksandr Musatkin, Feyzulla Feyzullayev
    "Şəfa" stadionu.

    17:30. "Xəzər Lənkəran" - AZAL (Bakı)
    Hakimlər: Fariz Yusifov, İlham Əliyev, Eldar Nağıbəyov, Elvin Əsgərov
    Lənkəran şəhər mərkəzi stadionu.

    noimage

    Bombardir: Bahodir Nasimov ("Neftçi") - 15 qol.

    Qaynaq: Lent.az
#19.02.2011 17:13 0 0 0