1. Ana Sayfa
  2. Azərbaycan
  3. Toyuqlu raqu

Toyuqlu raqu

Son güncelleme: 25.10.2012 23:52
Sarsın Sarsın foto
  • Toyuqlu raqu terifi ve terkibi - Toyuqlu raqunun hazırlanma qaydası

    noimage

    Tərkibi:

    70 q quyruq (bunun əvəzinə zeytun yağı da götürə bilərsiniz)
    2 toyuq budu
    6-8 orta boy kartof
    1 iri badımcan
    1 iri bolqar bibəri
    4 orta boy pomidor
    3 iri soğan
    sarımsaq
    qara istiot
    1 x.q. quru acika
    1 ç.q. şəkər tozu

    Soğanı yarımhalqa, bibəri, kartofu, badımcanı balaca kubik, pomidoru nazik halqalara doğrayın. Qazanın dibinə doğranmış quyruğu qoyun (2-3 x.q. zeytun yağı ilə əvəz edə bilərsiniz). Üstünə doğranmış toyuq budunu, bunun üzərinə soğanın 2/3-ni düzün. Duzlayın. Şəkər tozu və acika səpin. Badımcanın 2/3-ni, pomidoru üstündən döşəyin. Qara istiot səpin. Kartofu, üstündən isə badımcanın, sonra soğanın qalanını döşəyin. Üstünə doğranmış bibəri və sarımsağı səpin. (İstəyə görə zirə, göyərti, acı istiot da əlavə edə bilərsiniz).

    Qazanın qapağını kip bağlayın.
    Qaynayanda ocağı azaldıb 1,5 saat bişirin. Sonra söndürüb yarım saat qapağını açmadan dəmləyin.

    Nuş olsun...
#25.10.2012 23:52 0 0 0