1. Ana Sayfa
  2. Azərbaycan
  3. Kakaolu Paxlava

Kakaolu Paxlava

Son güncelleme: 07.11.2012 08:19
Sarsın Sarsın foto
  • Kakaolu paxlava terifi ve terkibi - Kakaolu paxlavanın hazırlanması

    noimage

    Tərkibi:

    3 ədəd yumurta
    3 xörək qaşığı qatıq
    3 xörək qaşığı duru yağ
    3 xörək qaşığı kakao
    Apardığı qədər un
    1 stəkan nişasta
    Əlavə 1 stəkan kakao
    250 qram marqarin
    250 qram kərə yağı

    İçi üçün:

    300 qram iri doğranmış qoz
    1 stəkan damla şokolad

    Şərbəti üçün:

    4 su stəkanı su, 4 su stəkanı şəkər tozu, yarım ədəd limonun suyu

    Hazırlanması:

    Xəmiri hazırlamaq üçün, yumurta, qatıq, duru yağ və kakaonu bir qaba qoyub qarışdırın. Üzərinə az-az un əlavə edərək yumşaq bir xəmir əldə edənə qədər yoğurun. Xəmiri yarım saat dinləndirin. Daha sonra xəmiri 15 kündəyə ayırın. 1 su stəkanı nişasta və 1 su stəkanı kakaonu ələyin. Bu qarışıqdan səpərək hər kündəni soba listindən daha böyük açın. Listi yağlayın. Marqarin və kərə yağını əridin. Qoz və damla şokoladı qarışdırın. Açdığınız kündələrdən 3 dənəsini kənara ayırın. Qalan kündələri dördə bölün. Iki qat olaraq listə sərin. Üzərinə yağ gəzdirin. Dörd qatdan sonra şokoladlı qozlu ic səpin. Kəsdiyiniz kündələr bitənə qədər, hər iki qatda bir yağ gəzdirib, dörd qatdan bir də qozlu qarışıqdan səpin. Ən üstə bütün buraxdığınız üç ədəd xəmiri yerləşdirin. Qalan yağı üzərinə gəzdirin. Daha sonra paxlavanı arzunuza görə dilimləyin. 180 °C sobada üzəri qızarana qədər bişirin. Bu vaxt şərbəti üçün, su və şəkər tozu bir qazana töküb ocağa qoyun. Qaynamağa başladıqdan sonra limon suyunu əlavə edin. Bir-iki dəq qaynadıb ocaqdan alın və soyudun. Sobadan aldığınız isti paxlava üzərinə soyuq şərbəti tökün. Ve budur kakaolu paxlavamız hazırdır.

    Nuş olsun..
#07.11.2012 08:19 0 0 0