Lvov sırniki
Son güncelleme: 08.12.2012 23:24
-
Lvov sırniki terifi - Hazırlanma qaydası
Tərkibi:
600 q yağlı kəsmik
150 q şəkər tozu
100 q kərə yağı
3 yumurta
2 bişmiş kartof
100 q kişmiş
1 x.q. limon sedrası
qlazur üçün:
70 ml su
0,5 ç.q. 9%-li sirkə
50 q şəkər tozu
50 q tünd şokolad
ağ şokolad (bəzək üçün, gözəyarı, olmasa da olar)
Sobanı 180 dərəcəyədək qızdırın. Sininin içinə perqament kağızı döşəyib üstünə yağ çəkin.
Kəsmiklə kartofu eynicinsli püre halına gələnədək ət maşınından keçirin. Yumşaldılmış kərə yağı, şəkər tozu əlavə edib yaxşıca qarışdırın. Yumurtanın ağını sarısından ayırın, sarılarını kəsmikli kartofa əlavə edib qarışdırın. Kişmiş və sedra əlavə edin.
Yumurtanın ağını 1 ç.q. limon şirəsi ilə çalıb ehtiyatla kəsmikli qarışığa əlavə edin.
Siniyə tökün. Sobada 30-40 dəqiqə bişirin. Tam soyudun.
Qlazur üçün su, şəkər tozu və sirkədən şərbət bişirin. Şokolad əlavə edin, qaynar-qaynar sırnikin üzərinə gəzdirin. 6-8 saat soyuducuda saxlayın. Yaxud bir gecə də saxlaya bilərsiniz.
Süfrəyə qəhvə ilə verə bilərsiniz.
nuş olsun!
- Lvov sırniki Konusuna Benzer Konular
- Sırniki peçenye 19.07.2015
- Plastik Gıda Ambalajı 08.12.2012 23:24