1. Ana Sayfa
  2. Azərbaycan
  3. Qaradağ mahalında yenə zəlzələ olub

Qaradağ mahalında yenə zəlzələ olub

Son güncelleme: 28.01.2013 01:50
Sarsın Sarsın foto
  • Xeberler - Sosial xeber

    noimage

    Şərqi Azərbaycan əyalətinin Qaradağ mahalında bu gün yenə zəlzələ baş verib.



    APA-nın İran mətbuatına istinadən məlumatına görə, təbii fəlakət yerli vaxtla saat 18:40-da qeydə alınıb.



    Rixter şkalası üzrə 4,8 bal gücündə olan zəlzələnin episentri Vərzigan şəhəri olub. Zəlzələ 18,4 km dərinlikdə baş verib. Ardınca 2 dəfə 1,8 bal gücündə yeraltı təkanlar qeydə alınıb.



    Təbrizdə də binalarda titrəyiş hiss edilib, əhali qorxudan küçələrə çıxıb.



    Təbii fəlakət nəticəsində dağıntı və tələfatın olmasıyla bağlı hələlik məlumat yoxdur. Məlumata əsasən, Təbrizlə Əhər və Vərzigan arasında telefon əlaqəsi kəsilib.



    Xatırladaq ki, 2012-ci il avqustun 11-də episentri Əhər, Heris və Vərzigan şəhərləri olmaqla İranın Şərqi Azərbaycan vilayətində 6,2 bal gücündə zəlzələ baş verib. Nəticədə rəsmi rəqəmlərə görə, 306 nəfər ölüb, 3037 nəfər yaralanıb.Zəlzələdən zərərçəkənələrin bir hissəsi hələ də qışda, şaxtalı havalarda çadırda yaşayır.



    Qaynaq:Lent.az
#28.01.2013 01:50 0 0 0