1. Ana Sayfa
  2. Azərbaycan
  3. İndiki zəmanə - Rəvan Nişançı Məmmədli

İndiki zəmanə - Rəvan Nişançı Məmmədli

Son güncelleme: 04.09.2015 12:28
Sbela Sbela foto
  • Rəvan Nişançı Məmmədli şeirləri - indiki zəmanə şeirin oxu

    noimage

    Düzü əyri, əyrini düz qanırlar
    Rüşvət desən əllini yüz qanırlar
    Allahını, kitabını danırlar
    Sərf edəndə ot deyirlər nanəyə
    Sözüm yoxdur indiki zəmanəyə

    Murdarlaşıb insanların nəfəsi
    Atasından bərk çıxır qızın səsi
    Bir oğlanın bir gecəlik həvəsi
    Qurban edir bir qızı o hər şeyə
    Sözüm yoxdur indiki zəmanəyə

    Qeybət indi yurd salıbdı hər dilə
    Yorğansız da ayaqlaşır dəb ilə
    Coşacağam mən özüm də təb ilə
    Hər şeyləri döndərəcəm heç nəyə
    Sözüm yoxdur indiki zəmanəyə

    Vəfalı yar keçmişlərdə qalıbdır
    Namus və ar keçmişlərdə qalıbdır
    Elə nə var keçmişlərdə qalıbdır
    Lüzum yoxdur indiki zəmanəyə
    Sözüm yoxdur indiki zəmanəyə

    Təbim kimi bir inciymiş qəlbim də
    Dərdim-tasam birinciymiş qəlbimdə
    Yaşamağa bu incimiş qəlbimdə
    Dözüm yoxdur indiki zəmanəyə
    Sözüm çoxdur indiki zəmanəyə
    noimage
    Rəvan Nişançı Məmmədli
#04.09.2015 12:28 0 0 0