1. Ana Sayfa
  2. Azərbaycan
  3. Bu şəhərdə mənim üçün - Ənvər Rza

Bu şəhərdə mənim üçün - Ənvər Rza

Son güncelleme: 23.09.2015 12:22
Sbela Sbela foto
  • Ənvər Rza şeirləri - Bu şəhərdə mənim üçün şeirin oxu

    Mərhum şairimiz Məmməd Aslanın dostu Ənvər Rza onun barəsində yazıb...

    Dəlidağın zirvəsisən
    Bu şəhərdə mənim üçün.
    Bir qaranquş sürbəsisən
    Bu şəhərdə mənim üçün.

    Nəğmə-nəğmə boy atmısan,
    Mən yatanda oyatmısan.
    Dastanımsan, bayatımsan
    Bu şəhərdə mənim üçün.

    Söz ömründən gün əymisən,
    Qan-tər töküb gen əymisən,
    Kəkotulu güneyimsən
    Bu şəhərdə mənim üçün.

    Eynəyimin şüşəsisən,
    Sözdə Fərhad tişəsisən,
    Maraluçan meşəsisən
    Bu şəhərdə mənim üçün.

    Bildir oldum yad ünvanlı,
    Dağla oldum bildir qanlı.
    Bir dərəsən baldırqanlı
    Bu şəhərdə mənim üçün.

    Qoşma, təcnis mayasısan,
    Sözü sözlə yuyasısan.
    İstisuyun qayasısan
    Bu şəhərdə mənim üçün.

    Sinəm - çəmən, gəl becər sən,
    Qışda çiçək, gül biçərsən.
    Müxtəsəri, Kəlbəcərsən
    Bu şəhərdə mənim üçün.

    Ənvər Rza
#23.09.2015 12:22 0 0 0