1. Ana Sayfa
  2. Azərbaycan
  3. Dəfn elə - Xəlil Adıgözəl

Dəfn elə - Xəlil Adıgözəl

Son güncelleme: 16.10.2015 09:29
Sbela Sbela foto
  • Xəlil Adıgözəl şeirləri - Dəfn elə şeirin oxu

    noimage

    Səni yaşatmağa ömür yetməsə,
    Nə olar,qəlbini vermə heç kəsə,
    Torpaq cəsədimi qəbul etməsə,
    Məni gözlərində büküb dəfn elə.
    noimage
    Sevgi dünyamıza sahib çıx,gülüm
    Zamansız gəlibdir,amansız ölüm
    Məni hissə-hissə,lap bölum-bölüm,
    Həsrət otağına tikib dəfn elə.
    noimage
    Orda sözlərimi necə yazım mən?
    Gör kimlər gələcək mənim izimdən,
    Nə olar,gözünü çəkmə gözümdən,
    Gözünü gözümə dikib dəfn elə.
    noimage
    Sənsiz xəyallara dalmayım deyə,
    Qəlbimə iztirab salmayım deyə,
    Səninçün nigaran qalmayım deyə,
    Rəsmini qəbrimə çəkib dəfn elə.
    noimage
    Mənimçün saçını yolacaqsansa,
    Dərdimi qəlbinə salacaqsansa,
    Bir gün özgəsinin olacaqsansa,
    Sevgimi qəlbindən söküb dəfn elə.
    noimage
    Məni o dunyaya sən ötür,gülüm,
    Izimi, tozumu sən itir,gülüm,
    Sevən ürəyimi sən götür,gülüm,
    Sevgi baxçasına əkib dəfn elə...
    noimage
    Xəlil Adıgözəl
#16.10.2015 09:29 0 0 0