1. Ana Sayfa
  2. Azərbaycan
  3. Müxtəlif souslu makaron

Müxtəlif souslu makaron

Son güncelleme: 19.02.2016 09:59
N.N. N.N. foto
  • Müxtəlif souslu makaron - makaron yeməyi reseptləri - Ərzaqlar - Hazırlanması - Qiyməli makaron - Tərəvəzli, kəpəkli makaron - Kremli və toyuq ətli makaron - Kremli və ricotta pendirli makaron


    noimage

    Tərəvəzli, kəpəkli makaron (4 nəfərlik)

    Ərzaqlar:

    1 paket kəpəkli buruq makaron

    Sousu üçün:
    2 yemək qaşığı zeytun yağı
    1 diş sarımsaq
    1 ədəd balqabaq
    1 kök
    1 dolmalıq qırmızı bibər
    1 dolmalıq sarı bibər
    1 dolmalıq yaşıl bibər
    2 yemək qaşığı lobya suyu
    1 çay qaşığı qırmızı istiot
    1 çay qaşığı quru nanə
    Duz

    Üzəri üçün:
    Yarım stəkan rəndələnmiş ağ pendir
    4-5 ədəd kəklikotu

    Hazırlanması:

    Kəpəkli buruq makaronu qaynadıb suyunu süzün. Sousu üçün zeytun yağını bir qazanda isidin. Əzdiyiniz sarımsaq, kvadrat şəkildə doğradığınız tərəvəzlər və lobya suyunu əlavə edib qarışdırın. Qazanın qapağını bağlayıb tərəvəzlər suyunu çəkənə qədər bişirin. Süzdüyünüz makaronu tərəvəzlərin üzərinə əlavə edib duz və ədviyyatları qatın. Hazır olmuş makaronu rəndələnmiş ağ pendir və təzə kəklikotu ilə bəzəyib süfrəyə verin.


    Qiyməli makaron

    Ərzaqlar:
    1 paket spagetti

    Sousu üçün:
    Yarım çay stəkanı zeytun yağı
    1 ədəd soğan
    2 diş sarımsaq
    250 qr qiymə
    1 yemək qaşığı pomidor tomatı
    1 çay qaşığı bibər tomatı
    1 ədəd kərəvəz sapı
    1 kiçik kök
    Duz
    İstiot


    Hazırlanması:

    Spaqettini qaynadıb suyunu süzün. Sousu üçün zeytun yağını bir qazanda isidin. Yeməklik doğradığınız soğan və əzdiyiniz sarımsağı qızarana qədər qovurun. Qiymə və tomatları əlavə edib qiymənin rəngi dönənə qədər qovurun. İncə doğradığınız kərəvəz sapını və rəndələdiyiniz kökü əlavə edib duz və istiotla dadlandırın. Spagettini qaynatdığınız sudan bir az əlavə edib sous suyunu çəkənə qədər qaynadın. Suyunu süzdüyünüz makaronu qiyməli sousa əlavə edib yaxşıca qarışdırın.


    Kremli və toyuq ətli makaron


    Ərzaqlar:

    1 ədəd qələm makaron

    Sousu üçün:
    2 yemək qaşığı zeytun yağı
    200 qr toyuq əti
    Duz
    İstiot
    200 ml krem

    Üzəri üçün:

    Təzə soğan


    Hazırlanması:

    Makaronu qaynadıb suyunu süzün. Sous üçün zeytun yağını isidin. Balaca doğradığınız toyuq ətlərini əlavə edin. Makaronu qaynatdığınız sudan çıxarıb duzlayıb istiotlayın. Toyuqlar yumşalıb suyunu çəkənə qədər bişirin. Qazanda kremi isidin.
    Bişən toyuq ətinə əlavə edib qarışdırın. Suyunu süzdüyünüz makaronu sous qazanına əlavə edib qarışdırın. İncə doğranmış soğanla bəzəyib isti yeyin.



    Kremli və ricotta pendirli makaron


    Ərzaqlar:

    1 paket kəpənək makaron

    Sousu üçün:

    400 ml krem
    1 stəkan yarım ağ pendir
    4-5 sap ispanaq
    1 çay qaşığı sarıkök
    1 çay qaşığı şəkərçuğunduru rəndəsi


    Üzəri üçün:

    İncə doğranmış soğan


    Hazırlanması:

    Makaronu qaynadıb suyunu süzün. Sous üçün kremi qazanda isidin. Ağ pendiri və iri doğradığınız ispanaqları əlavə edin.


    Pendir əriyənə qədər qarışdırıb bişirin, ocaqdan götürün. Sousu qüsursuz bir hala gələnəcən blendrdən keçirin. Sarıkök və şəkər çuğunduru rəndəsini əlavə edib yenidən ocağa qoyun. Bir dəfə də qaynatdıqdan sonra suyunu süzdüyünüz makaronu əlavə edin. İncə doğranmış soğanla bəzəyib süfrəyə verin.

    Nus olsun...
#19.02.2016 09:59 0 0 0